Donnerstag, 29. September 2005

die australischi zb

geschter bi ich uf die schlaui idee cho, dass es jo do eigentlich au e biblio muess gaeh und dass me doete wahrschinlich au ganz guet cha schaffe und ins internet. ha denn geschter mol googlet und tatsaechlich e art zb gfunde :o) das verkuerzt mir mi "studiewaeg" um ca 50 minute pro waeg, was e massivi isparig macht :o)

isch no luschtig do, wirklich so voll zb-stimmig, bis uf so e paar meiteli wo irgendwie nit gschnallt haen, dass sie mien rueig si... (obwohl uf em tisch naebe ihne grad e "quiet study area" schildli stoht ;o)) aber ich ha jo mini oropax und d'musig uf em compi drbi, denn isch es ganz guet gange :o)
ich bi sogar mit mim 5000-woerter-assignment e chli vorwaerts cho. jetzt faehle nur no 800 (weiss nit ob ich soell e lachends oder e huelends smily anemole...)

die wuche isch tatsaechlich mol nit so schoens waetter gsi. ha naemlich zerscht huet welle go surfe, so quasi als belohnig fuer die harti arbetswuche... aber s'waetter het nit wirklich mitgspielt und drum ha ich mi ebbe in die supi biblio verzoge... (offesichtlich isch es im momaent so langwilig, dass ich scho muess uebers waetter afo schribe ;o) aber kei angscht, es chunnt scho wieder besser ;o))

Dienstag, 27. September 2005

juhuuu ich bechumm doch no bsuech ;o)

ich bi zwar nonig ganz sicher, aber dae usschnitt us em mail toent doch scho so, oder?
weisch was, ich schrieb dir wenn ich widdr deheim bin und denn gömmer emol öppis zämme go trinke - va bene signorina?
villicht haett aer nit soelle mini byebye-party schwaenze, denn wuesst aer no, dass ich nit eifach so schnaell mol was cha cho trinke... ;o)

suscht gits eigentlich nit viel neus... ich quael mi im momaent mit mine superstressige assignments ab (waer cha scho 5000 woerter ueber e thema schribe, wo me erscht grad e paar stund behandlet het? :o/). zum glueck het's geschter graegnet (isch glaub oebbe s'vierte oder fuenfte mol sit ich do bi) und huet isch s'waetter au nit allzu guet (bild ich mir zumindescht i, will ich e paar wolke gseh ha, wo ich us em huus bi ;o)) und so cha ich's so richtig gniesse dinne z'hocke und schaffe... *grml* jae nu... es cha jo nur besser waerde :o)

Samstag, 24. September 2005

foteli

ich bi huet mol mit mim compi in mi superinternetkiosk pilgeret und ha's drum gschafft, aendlich mol e paar foteli ufelade (eigentlich ha ich jo hauptsaechlich recherche fuer mini assingments gmacht, aber es git halt immer au no anderi sache zum mache ;o))

d'foteli sin vom ne usfuegli, wo ich gmacht ha, wo ich oebbe zwei wuche do gsi bi: mit dr'faehri an manly beach :o)
mittlerwile bi ich jo au scho doete gsi go surfe und wenns grad keini waelle het, seht das so ziemlich aehnlich us, wie die einti foti im album (die guys doete warte au uf waelle) :o)

Donnerstag, 22. September 2005

ich bi gsi go suuuuuuurfe :oD

geschter isch es tatsaechlich s'erschte mol in mim laebe so wit gsi - ich bi s'allererschte mol gsi go surfe :o) und ich muess sage, es isch sooooooo genial gsi :o)
die erschti waelle isch eifach so unter mir verbigruscht, aber bi dr'zweite ha ich scho choenne stoh :o)

allerdings isch s'stoh und surfe nit sooo s'schwierige - ich ha do villicht au chli vorteil mit mine snow- und wakeboarderfahrige :o). dr'philipp het naemlich klagt drueber, dass aer s'glichgwicht nit heig und dass es mega schwierig sig, stoh z'blibe :o)
was raecht schwierig isch, isch d'waelle ueberhaupt z'verwuetsche... am afang het mi unsere surfinstrukter schoen in d'waelle ine gschobe ("come over here sweety, ready? one, two, three, gooo" ;o)), aber denn ha ich das natuerlich saelber welle choenne und drum haen denn sini awisige au scho chli anderscht toent: "get ready darling, paddle, paddle, faster, faster, goooo" ;o))
und das paddle isch ganz schoen astraengend (me muess ebbe scho e gwuessi gschwindigkeit ha, wenn d'waelle chunnt, suscht ruscht sie eifach so hinwaeg und drum muess me denn ganz schoen kraeftig paddle...), aber wenn me denn mol e waelle verwuetscht und no gnueg kraft in de aerm het zum ufstoh isch es eifach genial :o)
am schluss sin mir denn scho ziemlich wit use (damit mir choenne d'waelle schnappe bevor sie bricht (alles andere isch so afaengerzuegs ;o))) und denne ha ich eimol e raecht e grossi waelle verwuetscht und bis an strand choenne surfe. es isch sooooo genial gsi :oD

Montag, 19. September 2005

unseri party

am samschtig isch es also sowit gsi und unseri party isch aendlich vor dr'tuer gstande.
leider bi ich nit bsunders party-fit gsi, will mi mitti letscht wuche e mega grippe flach glegt het und ich immer no an halsweh, miedigkeit und vor allem anere kraechzistimm glitte ha. ich ha denn aber eifach dr'ganzi tag gschlofe und denn ha ich denn gnueg energie gah fuer die ganzi nacht ;o)
jo sie isch toll gsi (haen dir oebbis anders erwartet? ;o)) - viel cha me ueber parties jo amigs nit schribe und foteli sin no uf em adrian sim compi, muess mol luege, dass ich zu daene chumm, denn cha ich mol e paar ufelade :o)

allerdings isch es scho chli e unterschied zunere schwizerparty...
also erschtens mol lernt me immer gaaaanz vieli neui luet kenne. durch das dass jede si alk saelber mitbringt chunnts nit soo drufa, wie viel luet choemme und drum darf jede au sini fruende mitbringe und das sorgt denn fuer e ziemlich gueti durchmischig vo bekannte und unbekannte gsichter :o)
und zweitens isch es meeega krass was do an droge konsumiert wird. es isch eifach ganz normal, dass wenn me irgendwo waeg goht, dass me droge nimmt (zumindescht fuer die luet wo do laebe). ich bi denn immer grad d'exotin :o) und chum mir maengisch vor wie s'chleine meiteli in dr'grosse boese waelt ;o) aber wenn me mol nei gseit het, denn isch das fuer sie oke und drum isch es eigentlich nit allzu astraengend :o)

Mittwoch, 14. September 2005

d'profs sin do wirklich easier...

huet obe vor dr'lecture chunnt doch dr'ian (das isch mi prof, aber anstatt das die do (wie an anderne ort ;o)) uf ihrne titel umehacke, spricht me sich eifach voll easy mit em vorname a :o))
also dr'ian chunnt zu mir und frogt, ob ich das buech kauft ha, wo aer zur vorlaesig empfohle het. ich ha denn gseit nei und aer het nochegfrogt warum nit. ehrlich wie ich bi, ha ich denn gseit, dass ich halt e armi studaentin sig und mir das nit choenn leischte und drum das nit kauft heig. denn findet aer, aha daemfall heig aer oebbis fuer mi und zieht e buech fuere. es sig zwar nit das wo aer empfohle heig, aber es sig ziemlich aehnlich und au sehr guet und aer wuerds mir schaenke... :o)
meega haerzig :o) ich glaub, do choennte sich e paar profs us zueri mol e bischpil dra naeh ;o))

Montag, 12. September 2005

partyiladig

huet z'nacht ha ich jo e strube traum gha...
unseri wg macht ebbe naechste samstig e grossi party (eine vo mine mitbewohner isch dj und mir haen jetzt scho turntables und platte und so deheim), eifach so zum friehligsbeginn :o)
jedefalls ha ich mir denn geschter vor em ischlofe ueberleggt, waer ich alles no will ilade und waem ich no muess e text schicke. und denne bi ich igschlofe und ha traeumt:
mir isch ploetzlich in sinn cho, dass ich euch alli jo gar nit iglade ha und ha denn e mega schlaechts gwuesse becho, dass ich euch nuet gseit ha. allerdings ha ich denn au daenkt, dass dir jo glich nit choennet cho (allerdings isch mir nit wirklich bewusst gsi wieso, ich ha daenkt, villicht cha jo glich oebber cho). jedefalls ha ich denn im traum inne daenkt, dass ich das huet unbedingt no muess nochehole... :o))
also naeachste samschtig obe sin dir alli haerzlich bi mir deheim iglade zunere grosse friehligsparty. mitbringe mien dir euri fruende und eure alk (remember byo? ;o))

suscht gohts mir guet :o) ha mini schicksalsschlaeg (gchlauts portmonee und kaputte kompi) erfolgriich gmeischteret, jetzt cha eigentlich nuem viel passiere :o)

Montag, 5. September 2005

it's hooooooot ;o)

dr'videoclip vo call on me kennt me jo... aber hesch au scho mol d'gay-version drvo gseh? eifach im link im titel folge und denne uf "new 12" clicke und voila :o) es heisst nit waege nuet late night version ;o)
ich ha sogar an d'premiere doerfe und alli die jungs aluege :o) aber ebbe leider nur aluege ;o))))

Samstag, 3. September 2005

d'uni

nach zahlriche froge in mails ha ich daenkt, ich will euch nit vorenthalte, wies do an dr'uni isch und drum verzell ich jetzt mol chli vo mine vorlaesige :o)

ich bsuech do jo nur info-vorlaesige, will die oek-vorlaesige wo ich ha welle aentwaeder doof gsi sin oder denn doch nit verfiegbar. jedefalls isch dr'fraueateil in mine voerlaesige winzig. richtig "iheimischi" seht me eigentlich keini - es het zwei inderinne und denne no eini us norwege (sie isch au blond und das fiehrt denn amigs zu verwaechslige zwuesche ihre und mir, obwohl sie nit mol vo schwede chunnt ;o)) und ich. au isch s'alter vo de luet do ganz anders. ich mach jo master-kuers und do isch es nit wirklich ueblich, nach dr'graduation (also em bachelor) no witer z'studiere. das heisst, es sin relativ chleini klasse und zum teil viel aeltere luet (also so zwuesche 40 und 50).

arbeitsmaessig git ei vorlaesig oebbe so viel z'tue wie bi uns e kaernvorlaesig. aber in jedere vorlaesig muess me au no e gruppearbet mache. das isch eher e naerveufribendi aglaegeheit will so viel verschiedeni kulture ufenand pralle. gwuessi luet haen ueberhaupt kei verstaendnis, was muess gmacht waerde und daene muess me denn sage, was sie bis naechst wuche mien erledige (das find ich mega strub, vor allem wenn die luet so um die 40 sin). und maengisch hilft au das nit, dass sies denn mache...

vom schwierigkeitsgrad haer isch es eigentlich ganz oke. ich ha do zwei sicherheitsvorlaesige, wo ich d'basics scho in zueri gha ha, vo daem haer chum ich ganz guet mit. und denne no e infomanagementvorlaesig und die het au nit sooo anderi grundlage wie die in zueri. es sin halt eifach ganz anderi blickwinkel und zum teil anderi modaell und die raechtliche grundlage sin chli anderscht und so. also es git glich no oebbis z'lerne (mol abgseh drvo, dass ich jo sowieso nuem alles weiss und drum die uffrueschig au ganz guet cha bruche :o)).

Mein Januar 2024

Gesehen Wie's hinter den Kulissen des SRF zugeht und speziell im Studio von SRF3 . Gelernt Was eine Lemniskate ist (das Unendlichkeitsz...