Sonntag, 31. Juli 2005

mis erschte rugby spiel :o)


jups ich bi hüt im aussie stadion gsi go rugby league luege :o) isch no ganz amüsant gsi, das mol z'seh; aber es isch halt so wie mit allne stadion-alueg-spiel: wenn mes mol gseh het, het mes gseh ;o)) (also zumindescht ich :o))



und sogar cheerleaders hets gha ;o))

juhuuuu juhuuu juhuuuu :o)

ich chas gar nonig richtig glaube: ich bi tatsächlich in mim eigene zimmer (und die ganz ufmerksame hän scho gmerkt, dass ich mi eigene kompi ha -> ä,ö,ü :o)) so hets vorhär usgseh:




und so sehts jetzt us :o)



und s'allerbeschte isch natürlich mis gstell, wo ich ägstra becho ha. ufe erschte blick sehts no ganz vernünftig us:


aber wenn me denn mol unters mänteli luegt ;o)))))


und wie dir sicher scho gmerkt händ, ha ich die andere textli mol chli bebilderet ;o)

Samstag, 30. Juli 2005

91 Buckingham Street, Surry Hills NSW 2010

genau, das isch mini adraesse fuer die naechste paar moenet :o) und damit du dir au chasch vorstelle, wo das ungefaehr isch, ha ich grad no e karte usegsuecht (die karte hilft dir natuerlich au im fall du mi gaern moechtisch spontan cho bsueche :o)):


du sehsch ganz unde vom bild das kreisli, doet drinne isch mini neui wg :o) die vielle graue strich, wo me links vom kreis seht isch grad d'central station :o) es isch also ziemlich ziemlich zentral :o)

huet bi ich gsi go d'schluessel abhole und morn cha ich denn aendlich zuegle :o) so wies usseht, hets sogar scho klappt mit em internet irichte, ich ha denn also ab morn wireless *freufreu*

huet bi ich s'erschte mol am strand gsi und zwar am coogee beach :o) isch uuuuumega schoen gsi, ha au ei, zwei foteli gschosse (und gli choennet dir sie au aluege :o))

Donnerstag, 28. Juli 2005

juhuuuuuu ich ha e zimmer :o)))

merci allne wo duume druckt haen (ganz speziell natuerlich im sevi ;o)) - es het tatsaechlich klappt mit daem tolle zimmer :o)
ich muess euch denn unbedingt foteli zeige (sobald ich mol mit mim compi ans internet chum, vorussichtlich naechst wuche, lad ich mol e paar ufe :o)), das huus isch soo genial :o)
und sobald ich denn d'adraesse ganz weiss, bechoemet dir die au, nur fuer e fall, dass dir mir woettet e briefli oder e paeckli schicke ;o))))

gester ha ich an dr'uni orientation gha. waer eigentlich no ganz kuul gsi, aber ich bi mitere riesige gruppe duetsche und amis gsi. es het no ei oestricher gha und mir haen denn immer aenglisch gredet zaemme, damit uns die duetsche nit entdecke ;o)
d'orientation isch no ganz interessant gsi, sie haen uns viel interessanti sache ueber australie verzellt, und halt so do's and don'ts (nie dine kollege am strand winke, suscht chunnt e dicke lifeguard (wenn aer guetussehend waer, waer aer wahrschilich surfer... ;o)), schleppt di us em wasser und fangt di afo beatme)

enrollment isch denn au no gsi (also in kuers ischribe), ich bi in nonemole anderne kuers igschribe, als ich bestaetigt becho ha (und die sin jo scho anderscht gsi, als die wo ich usgwaehlt ha gha). jedefalls git das no chli e umeseklerei, eigentlich gits so formular, wo me cha units adde und droppe, aber will ich postgraduate bi, gits so e spezielli verastaltig, wo ich muess ane goh und nur doet cha ich units adde und droppe (natuerlich au nur fuer postgraduate units, dae marketingkurs wo ich will mache isch undergraduate und dae muess ich denn wieder mit em formular beatrage (und als ob das nit scho gnueg waer muess ich doete zerscht no bi daem prof verbi und ihm verzelle, wieso ich das unit will und dass ich schlau gnueg bi und gniegendi vorbildig ha um das choenne z'bsueche. und denne bechumm ich e unterschrift uf das formular und denne cha ich das formular ireiche)).
also falls du bis am schluss minere usfiehrig hesch choenne folge, hesch gmerkt, dass es mir sicher nit langwilig wird, will sie doch eher komplizierti prozaess haen do (und falls du mir nit hesch choenne folge, hesch es natuerlich sowieso gmerkt ;o))

huet obe isch official welcome function in sonere bar bim darling harbour - fuer alli 700 ustusch und study abroad studaente (nei, das isch ganz und gar nit s'gliche: wenn me study abroad studaent isch, muess me die volle semestergebuere zahle und bechunnt kei verguenstigung im oev; als exchange student aber scho (und zahlt me, wenn me glueck het, nur die semestergebuere vo dr'heimuni)).
anyway doete wirds wahrschinlich no e paar anderi ha als amis und duetschi *hoff* ;o)

Dienstag, 26. Juli 2005

wo sin die kuule surfer? (und anderi australischi eigenarte ;o))

ich muess sage, langsam chum ich do in dr'stadt ganz guet z'raecht: ich muess nuem an jedem egge mi megakuuule stadplan us em hosesack zieh; ha nuem s'gfuehl, es will mi oebber abschiesse, wenns bim fuessgaengerstreife grien wird (das macht naemlich so e mega komischs gruesch); wich immer brav uf die linggi site uns und lueg sogar bim ueber d'stross goh uf die richtigi site.
aber oebbis faehlt denn doch. ich ha naemlich no keine vo daene mega kuule surferboys gseh; drbi soetts doch vo daene do nur so wimmle (oke, es isch winter - aber die waerde jo wohl chum e winterschlof mache, oder?) jedefalls isch no keine an neue barkeeper vom bqm ane cho und scho gar nit an **zensur** ;o)

anyway... ich bi huet wieder zwei zimmer go aluege - eins isch nit wirklich dr'hammer gsi, aber s'andere isch drfuer um so genialer gsi. zwar mega chlei (aber ich ha jo eh nuet zum dri stelle), aber im ne meeeega schoene huus und mit mega kuule luet zaemme (zumindest die wo ich huet gseh ha). das waer wirklich genial doete z'wohne :o) am donnschtig duet sie sich entscheide, drucket mir also ganz fescht dr'dume!! :o)

Sonntag, 24. Juli 2005

seniorerundfahrt mit kaffi und kueche


ich bi huet mit em philipp uf seniorerundfahrt gsi ;o)
eigentlich haen mir jo welle nach manly fahre, denn haen mir so e superagebot gseh, wo me zwei fuer eins und erscht no kaffi und cookies drzue becho het. will das schiff aber scho fascht am abfahre gsi isch haen mir nit lang zoegeret und haen zuegriffe. allerdings haen mir denn eifach so e round trip gha - ohni irgendwelchi zwueschestopps :o) aber es isch uuuuumega schoen gsi :o) ich ha ganz viel foteli gschosse und sobald ich denn mol mit mim kompi ans internet chum, bechoemmet dir au e paar ueber :o)


am obe bi ich no kurz bi ihm in sinere wohnig gsi und bi grad meeega ifersuechtig worde. es isch meeega genial und vo sim zimmer us seht aer diraekt uf e sydney tower :o) allerdings isch das natuerlich au nit ganz billig. ich hoff jo immer no, dass ich so oebbis zum halbe priis bechum ;o) nei ehrlich gseit bi ich jo nit soo aspruchsvoll, aber chli besser als mi backpackers soetts scho si. ha mir jetzt grad wieder ganz viel azeige usegschribe und wird denn morn daene allne mol aluete und e paar besichtigungstermine abmache. gang morn no e anderi wohnig go aluege, allerdings muess ich mir zum doet ane glange zerscht no e grossi stadtkarte kaufe, das isch naemlich uf daere supermegagenialpraktische karte nit druf wo ich ha :o)

Samstag, 23. Juli 2005

moechte-gaern hotdogs, draeck und bewohnbari wandschraenk...

das isch ungefaehr d'zaemmefassig vo de letschte zwei taeg. gester bi ich denn zum zweite mol an dr'uni gsi (nachdaem ich am mittwuch mit mim mate doete gsi bi, will aer irgendwie chli e gnusch gmacht het (dae event isch naemlich nur e briefing fuer die australische studaente gsi.. :o))). diesmol isch e "early arriver bbq" fuer d'ustuschstudaente gsi. und doete hets denn ebbe die moechte-gaern hotdogs gaeh: wurscht + ketchup + toastbroat = hotdog ;o)) isch no ganz luschtig gsi, ich ha e paar luet kenneglernt (hollaenderinne, e amerikanerin, e bandi duetschi, e mexikanerin, e kanadier und sogar e basler ;o)) und am obe haen mir denn grad zaemme d'stadt unsicher gmacht (also e paar e chli mehr, e paar e chli weniger *diskretschweig* ;o))

uf em heimwaeg ha ich denn no e paar wohnigsinserat mit gnoh (isch luschtig, d'luet klaebe die eifach an d'amplestange vor de fuessgaengerstreife) und bi denn huet eini gsi go aluege. aber ebbe - wohnig isch absolut uebertriebe. das isch zwar raecht e edels appartmenthuus gsi, aber usser em wohnzimmer isch alles mega chlei gsi. im chleinere zimmer (doet dri het e doppelbett passt, so dass me grad no het choenne use drue laufe) haen sie welle zwei luet ine due und im groessere zimmer (isch halt e biiiizzeli groesser gsi) haen sie welle drei inepacke. isch absolut unglaublich gsi. also wenn doete drei better dinne stoehn, isch das zimmer gstosse voll... und denne haet ich fuer das au no miesse 135.-/wuche zahle.

drum ha ich mi denn entschiede, doch no chli in mim draeckige backpackers z'blibe und flissig witer z'sueche (bi drum jetzt au e zittli wieder am inet ghoecklet und ha inserat studiert). jedefalls wohn ich im momaent priislich scho raecht unschlagbar (12.-/nacht). also falls dir zuefaelligerwiis grad oebber wuesset, wo in sydney e roommate suecht -> ich bi um jede tipp dankbar ;o)


jetzt gang ich no mit em nugga (ebbe mim mate vo do) und sine friends oebbis go trinke, das wird sicher au luschtig :o)

das waers mol wieder gsi mit de neuste news vo mir, ich freu mi ueber euri kommentaer *hintgeb* ;o)

Donnerstag, 21. Juli 2005

+61406 136 274

das isch mini neui australischi mobile-nummere :o) ich freu mi uf ganz viel sms und telefon ;o)

natuerlich ha ich huet nit nur e neui sim-karte kauft (die het uebringens nur 2 dollar (= ~2 franke) koschtet), sondern ich ha so e richtigs touri-sightseeing gmacht :o) bi vo mir "deheim" (na ja... wenns bi mir deheim mol so usseht, wuerd ich mi glaubs messy schimpfe ;o)) zum royal botanic garden gloffe und ha mir doete zerscht mol us dr'faerni s'operahouse und d'harbourbridge agluegt :o) denn bi ich witergspaziert und wo ich bim operahouse acho bi, ha ich gseh, dass es doete faernsehteams und luet mit riesige kameras het und ha mir daenkt, dass do sicher oebbis spannends mues los si. bi denn chli in d'sunne gsaesse und ha mit allne andere mitgwartet ;o) wo denn allerdings d'sunne abe isch, isch es mir z'kalt worde und ich ha mi langsam wieder ufe heimwaeg gmacht. ha mi denn mol im internet schlau gmacht und usegfunde, dass es um das gange isch :o)

und jetzt hoeckle ich scho e ganzes wiili do in daem internet-kiosk (jo genau, dae vo gester :o)) und bi am blogge; usefinde, wie viel e sms vo mim netz us koschtet; wohnigsazeige studiere; mails schribe...
falls du jetzt kei mail becho hesch, chasch mir jo mol eins schribe, denn bechunnsch du sicher au eins ;o)

Mittwoch, 20. Juli 2005

Goodbye and Hello :o)

grad no bi ich mit euch allne gmietlich an dr`bye-bye-party ghoecklet und jetzt sitz ich scho do im ne "spezielle" ;o) kiosk (internet koschtet 2 doller fuer unbeschraenkt lang - drfuer flimmeret dr`bildschirm sooo mega, dass mes nit viel laenger als e viertel stund ushaltet *probeaufsexempelmach*).

aber am beschte verzell ich e chli dr`reihe noche :o) zerscht mol ha ich mi bi euch allne welle bedanke, dass dir no an minere party verbi cho sind, zum euch vo mir verabschiede :o) vor allem au fuer die viele, lange und mega haerzige itraeg in mim reisetagebuech! ich muess zuegaeh, dass mir scho e paar traenli abegloffe sin, wo ich die alli glaese ha *snif*


nachdaem mir (mini ganzi family und ich) nach em putze irgendwenn am vieri oder so im bett glaege sin, isch es denn am maentig ganz schnaell gange. no die letsche sache waegpacke, zwei, drei wichtigi no in rucksack stosse und denne ha ich au scho an flughafe miesse. doete ha ich mi no vom chriggi, remo, sili, nora und natuerlich mine eltere verabschiedet (merci viel mol, dass dir alli cho sind, isch mega haerzig gsi :o)) und bi denn dur d`passkontrolle verschwunde. isch e mega strubs gfuehl gsi und au doete ha ich e paar traenli miesse verdrucke.

flug zueri-london isch mega kuul gsi; ich ha dr`hinterschti platz am faenschter gha und die ganzi reihe fuer mi :o) in london denn umstige und dr`flieger nach tokyo schnappe. leider ha ich doete nuem e ganzi reihe fuer mi gha, aber immerhin isch dr`mittleri platz drvo frei bliebe, das isch no ganz gmietlich gsi zum schlofe :o) und denn in tokyo nonemole umstige (fuenf stund warte :o|)und schliesslich bi ich huet am morge in sydney acho (also bi mir isch jetzt ebbe fuenf ab elfi am morge :o)). fuehl mi gar nit soo mied, es choent eigentlich ganz e normale morge si ;o)



jetzt ha ich mi eigentlich ufe waeg zum central welle mache, aber jetzt ha ich grad mini mails glaese und mi mate wo do vo dr`uni us chli zu mir luegt ;o) het mir gschribe, dass am nomi so e traeffe an dr`uni sig und wenn ich woell, wuerd aer/sie (das isch ebbe immer nonig klar) mi ufpicke und denne choenne mir zaemme doet ane goh. glaub ich muess ihre/ihm mol aluete :o)

Samstag, 16. Juli 2005

was ha ich vergässe?

dr'ganzi nomi ha ich drmit verbrocht, mi z'entscheide, was mitdarf und was nit... schliesslich ha ich die ganze sache in mi rucksack packt und dä ganz ängstlich uf mini wog gstellt. oh schreck - dä isch nur 11 kilo schwer? wie cha das si? oke, es isch e ikea-wog, die cha scho mol so zwei kilo drnäbe ligge; aber nämme mir ah, es wär 13 kilo: denn muess doch glich öbbis fähle? 13 kilo für 9 mönet?
hmm.... villicht bi ich eifach e packigsgenie? ;o) für aregige, was ich alles chönnt vergässe ha, bi ich sehr dankbar (aber nur bis am mäntig am mittag, spöter cha ichs nämlich nüm ipacke ;o))

Sonntag, 3. Juli 2005

schwierigi froge...

in letschter zit froge mi liebi lüt schwierigi froge - zum bischpil: was erwartisch du vom läbe? wieso muesch du nach australie goh?
antworte z'finde isch nit ganz eifach. immerhin isch es mir glaubs glunge, mol mit dr'erschte frog fertig z'wärde. ich erwart vom läbe, dass es mir das zrugg git, wo ich verdien... das isch doch nur grächtfertigt, oder?
aber wieso muess ich nach australie? bösi zunge behaupte jo, zum riifer wärde. alli andere (inklusive ich) hän allerdings kei antwort druf. sälbschtfindigstrip? (suech ich mi denn?) sproch lerne? abentür mit giftige spinne? erfahrige sammle? neus kennelerne? surfe lerne? wahrschinlich isch es e mischig us chli allem (bis uf das mit de spinne! ;o)). we'll see...

Mein Mai 2021

Gesehen Die neue Lewa-Savanne im Zoo Zürich. Wie Elmer Citro hergestellt wird. Das Kloster von Einsiedeln .  Gelernt Wenn man einen Camper...