Montag, 29. August 2005

actually & eventually

es git se no, die waelt vo guet und boes, schwarz und wiss!
actually isch guet will: s'wort het e schoene klang und me chas eifach immer ueberall ifiege.
eventually isch boes will: es verleitet eim immer dra an villicht statt and letschtaendlich z'daenke und das fiehrt drzue das ich immer confused wird wenn das wort im ne satz vorchunnt...

ah jo und da das offesichtlich immer nonig alli wuesse: ich ghoer in daere waelt zu de guete ;o) huet het das naemlich e dame ganz fescht azwiflet und het mi sogar als dieb welle anestelle! und das isch so cho:
ich bi huet am morge vor em food kaufe no bim supermegabillige biecherlade verbi zum mir e astaendigs aenglisch-aenglisch woerterbuech kaufe (yes mr. roscoe i remember your words ;o)). guet, denn witer in woolworths zum aesse kaufe. will aber mini hoor do unde so komisch sin, ha ich daenkt, ich kauf no irgendwas fuer mini hoor. bi denn ewigkeite vor daem gstell umegstande und ha produkt und priise vergliche und will uf de halbe sache fizzy druf gstande isch und ich dae usdruck als "sprudelnd" uebersetzt im kopf gha ha (und das wirklich nit in die tube passt het) bi ich chli rootlos gsi. irgendwie isch es mir denn chli peinlich gsi, mi woerterbuech us dr'taesche z'packe und nochezluege, aber wo denn grad niemer in daem gang gsi isch, ha ich daenkt, jetzt isch mini schosse cho. ha scho mini taesche offe gha, denn merk ich, dass oebber um e egge chunnt und ha sie denn schnaell wieder zuegmacht. dummerwis isch das e agstellte vom lade gsi und fuer dae het das offesichtlich so usgseh, als ob ich grad oebbis in dr'taesche haet lo verschwinde.
aer isch nonemole kurz verschwunde und ab denn het mi in gebuehrendem abstand e naetti dame dure ganze lade begleitet (zum gstell mit de cds denn abe zu de fruesche laebensmittel und wieder ufe no zum sirup). wo ich an dr'kasse agstande bi, het sie denn sogar scho e sicherheitstyp am usgang informiert und nachdaem ich zahlt ha, isch sie mir denn zum usgang nochegschliche. ich ha mir denn e kurze momaent ueberleggt, ob ich jetzt aecht soell so schnaell wie moeglich heim sekkle, aber will mini kondition glaub nuem sooo guet isch wie au scho, ha ich mi denn drgege entschiede. ich ha sie denn so ganz spontan gfrogt, ob sie gaern wuerd mini taesche seh und sie het gfunde jo. ha denn mi dix, portmonee, handy, mp3-player, prospaekt vonere surfschuel und suschtige plunder uspackt und ihre isch es denn chli peinlich gsi, dass sie nuet vom lade gfunde het. sie het denn nur so gseit es wuerd ihre leid tue und e agstellte heig ihre gseit, ich heig oebbis in mini taesche packt...
tststs... aber zumindescht weiss sie jetzt au, dass ich lieb bi ;o) immerhin het sie mir nochaer no e wunderschoene tag gwuenscht :o)

Mittwoch, 24. August 2005

timtams haen ufgschlage...

jo das ha ich huet morge gmerkt, wo ich bi gsi go ikaufe. statt 2.54 choschte sie jetzt naemlich 2.70... isch das nit fraech?

allerdings bi ich denn heim cho und ha in de nachrichte gseh, dass die halbi schwiz unter wasser stoht (jo sie haen in de australische nachrichte tatsaechlich baern zeigt), es git also no schlimmers als tuereri timtams...
hoff, dir haend jetzt nit alli schwuemmhuet becho? isch es nur in dr'innerschwiz so schlimm?

bi mir gits allerdings au gnueg schlimms... nachdaem ich nach em portmoneeklau aendlich wieder alles organisiert ha, het doch tatsaechlich mi kompi gfunde, aer wuerd sich jetzt mol verabschiede. :o(
und natuerlich isch doete au mi assignment druf gsi, wo ich huet muess abgaeh. denn isch mir nuet anders uebrig blibe, als das ganze eifach nonemole zschribe... ha mi natuerlich nit wirklich drueber gfreut...

zumindescht gits ei sicheri positivi maeldig: es cha nur besser waerde! :o)

Samstag, 20. August 2005

anderi länder, anderi sitte ;o)

ich ha mim nätte profässer vo dr'schwiz (wo mir d'priefig nit het welle verschiebe) e mail gschribe:
Guten Tag Herr ***zensur***

Bei mir in Sydney hat das neue Semester bereits begonnen und ich habe hier das Fach "Design and Management of Information Systems" belegt. Da ich dazu sehr gut Ihre Unterlagen aus der KV Informationsmanagement gebrauchen koennte, wollte ich mir das Skript vom Olat runterladen. Leider kann ich aber nun nicht mehr darauf zugreifen. Waere es moeglich, dass Sie mir dazu nochmals die Berechtigung geben koennten?

Vielen Dank fuer Ihre Bemuehungen.
Freundliche Gruesse

und denne ha ich 10 täg spöter das nätte mail zrugg becho:
Sehr geehrte Frau ***zensur***,

mal ganz ehrlich - glauben Sie, dass ich zu irgendeiner inhaltlich sinnvollen Arbeit komme, wenn ich mich um solche Anfragen persönlich kümmere? Was meinen Sie, wozu es kursbetreuende Assistenten gibt?

Dennoch: viel Spass in Sydney!

Ihr ***zensur***

leider het är mir aber nit verrote, wär denn sini kursbetreuende assistänte sin (weiss jo nit, ob das immer no die gliche sin, wie damals) und uf sinere website isch nur är als dozänt agäh...

hmm... das isch also dr'german way... do in australie redet me d'profs mit em vorname a und sie mache au kei ghetto, wenns mol mit em empfange vo dr'onlinevorläsig nit klappt, sondern lade eim eifach i, zum mitmoderiere (isch zuegegäbenermasse chli peinlich gsi für mi, aber doch immerhin luschtig :o)) (und ich bi jo nit die einizigi gis, wo das problem gha het :o))

Montag, 15. August 2005

they may not have (real) mountains but they do have hills -> the heartbreakhill

da du jo flissig dr'sydney morning herald liesisch, weisch jo scho nach em titel, dass es um e city2surf goht ;o) und falls du nit so flissig die zittig liesisch, do e kurzi info: eins vo de groeschte fun-renne waeltwit, goht ueber 14km vom hydepark zum bondibeach und d'luet haen vo 40 minute bis 4 stund zum das absolviere.
ich ha daenkt, das isch doch no funny und wenn ich doch scho grad do bi, cha ich doch au grad mitmache :o) nach drei stund schlof (waer brucht scho schlof zum fit si? ;o)) bi ich denn am sunntig morge mit em philipp und ca. 60'000 andere mehr oder weniger fitte luet in dr'innestadt vo sydney gstande. isch gar nit so eifach gsi, am afang zum jogge z'cho - es het luet mit kinderwaege und au vieli chinder drbi gha, so dass mir uns am afang zerscht haen miesse e waeg bahne :o)
irgendwenn isch es denn aber no ganz easy gsi und ich ha mir voller elan e gatorade gschnappt zum dr'heartbreakhill in agriff z'naeh. allerdings het mir das gatorade nit wirklich guet do, mi mage het ziemlich rebelliert - das isch denn grad e gueti usred gsi, zum s'letschte stueck vo daem huegel z'laufe ;o) (dae huegel heisst uebrigens so, will aer so langzoge isch und me obe denn nit mol cha abesekkle (sondern einigermasse grad witer)).
obe bi ich denn aber wieder flissig witergsprunge und ha denn au gar nuem ufghoert, bis ich im ziel gsi bi (und mi schoen brav vom gatorade faernghalte und nur no wasser trunke :o)) - gemaess minere persoenliche stoppuhr (e waerbegschaenk vo hsbc) ha ich 1:42 (stund, nit minute ;o)) gha fuer die ganzi strecki :o) am dsischtig isch denn in dr'zitig (weisch jo weli ;o)) no e ranglischte drin, nimmt mi jo wunder, welle platz ich denn gmacht ha :o)
ich glaub uf daere site haen si au no e paar luschtigi foteli drin :o)

Donnerstag, 11. August 2005

Merci :o) (inkl. News ;o))

also ich ha mi zerscht mol fuer euri kommentar und eurem interaesse an minere site welle bedanke :o) isch kuul, wenn me seht, dass me nit ganz vergaesse goht, wenn me waeg isch :o)

was gits neus bi mir? eigentlich passiert jede tag irgend oebbis luschtigs. zum bispil ha ich kuerzlich e puertoricanerin kenneglernt und die het denn gfunde, sie sig mol inere haerzige ortschaft in dr'schwiz gsi, sie wuess aber nit, ob ichs wuerd kenne, will es sig nur chlei gsi. dr'name vo daere ortschaft? bern ;o) und wo ich ihre denn gseit ha, dass das sogar unseri hauptstadt sig het sie doch stif und fescht behauptet, das choenni nit si will das sig wirklich nur e chleini ortschaft gsi und ich miessi mi do tuesche. und will sie sich uf gar kei fall vo daere vorstellig het lo abbringe, ha ich sie denn schlussaendlich in daem gluabe miesse loh ;o)

geschter bi ich mol e paar kleider go shoppe: jagge, pulli, tshirt und jaeggli :o) jetzt ha ich e paar warmi sache mehr (z'nacht wirds do naemlich wirklich raecht kalt) und usgrueschtet bi ich denn au no grad gsi fuer am obe. denn bi ich naemlich ane harbour cruise gange, wo do vom ustuschverein organisiert gsi isch. und doet isch s'thema schueluniform gsi (nei, nei ich bi wit drvo entfaernt gsi, e schueluniform drbi z'ha - aber ich ha denn immerhin mol e jagge gha, das het me schliesslich in dr'schuel au a ;o)).
isch no ganz witzig gsi, wie sich e paar chicks uftacklet haen. s'roeckli haet nit choenne kuerzer si und in de schueh haen sie kum choenne laufe - aber es het perfekt usgseh (also nit, dass sie so je in d'schuel haette choenne, aber egal ;o))
oebber het sogar no foteli gmacht, wenn ich die denn mol bechum, bechoemmet dir eventuell e chleini kostprob :o)


(markus, jessica und ich (villicht seht me au, vo wo (bzw. wäm ;o)) ich d'kravatte gha ha ;o)))

Montag, 8. August 2005

e rundgang durchs huus :o)

ich ha daenkt, da's nit allzu viel neus git bi mir, mach ich mit euch mol e rundgang dur mis huus :o) will aber z'viel foteli die site do verstopfe, ha ich sie eifach in mi fotialbum packt. das findsch ganz eifach: uf dr'raechte site hets e titel "links" und doet drunter hets e link wo "mi fotialbum" heisst :o) und doete findsch denn dr'rundgang :o)
usserdaem ha ich no e link vo minere uni und vo minere tageszitig (sydney morning harold) ine do :o) gemaess daere zittig mien mir uns do scho fascht terroraengscht mache - in dr'samschtigsusgab sin naemlich evakuationsplaen im fall vo aschlaeg dinne gsi... :o/
aber solang das nur wildi spekulatione sin, gniess ich doch eifach chli d'stadt und gang brav an d'uni :o)

Dienstag, 2. August 2005

uni het agfange (und was halt suscht no interessant isch)

huet bi ich also dr'erschti tag so richtig an dr'uni. bi zwar gester scho do gsi, aber denn ha ich no keini vorlaesige gha, sondern bi eifach divaerse formular und unterschrifte nochegsekklet, damit ich denn au die vorlaesige cha belegge, wo ich gaern moecht.
und wenn alles klappt so wie ichs will, denn ha ich dsischtig, mittwuch und donnschtig uni (genau das git gaaaanz e langs weekend ;o)). aber das isch au guet so, denn blibt naemlich no gnueg zit zum chli go schaffe. job sueche isch naemlich s'naechste projekt, wo in de startloecher isch :o)

gester obe haen mini flatmates (angela, 31, australierin - adrian, 24, malteser - keith, 24, malteser) e welcome-aesse fuer mi gmacht. isch mega haerzig gsi vo ihne und sie haen au meeega guet kocht (bis uf dass es am schluss in dr'schoggicreme no haferflocke gha het - das haett jetzt fuer mi nit unbedingt miesse si :o)).
ich glaub, ich has wirklich no guet breicht mit mim zimmer :o)

huet am nomi ha ich no keini iebige gha und drum bi ich kurz in dr'ikea gsi (jo das gits do tatsaechlich au :o)) und jetzt ha ich e lampe fuer mi zimmer und sogar e chleins poster zum ufhaenke (isch nur ei doller gsi :o))
jo und jetzt muess ich denn grad in mini naechsti vorlaesig, die fangt naemlich am 6 pm a und goht denn bis am 10 :o)

Mein Januar 2024

Gesehen Wie's hinter den Kulissen des SRF zugeht und speziell im Studio von SRF3 . Gelernt Was eine Lemniskate ist (das Unendlichkeitsz...