little fish in the library types 4885 words

am fritig bi ich im kino gsi go e australische film luege: "little fish" (drum het sich die bezeichnig au in titel gschliche ;o)) dr'film isch allerdings nit halb so haerzig gsi, wie dr'titel vo daem post toent. aer isch au nit waege nuet 15+ igstueft worde: "strong drug references, drug theme, strong coarse language" me chas jo au nit anderscht erwarte, e australische film muess jo fascht droge zum thema ha...
trotzdaem isch aer guet und vor allem au raecht realistisch gsi. und es isch no ganz luschtig gsi, dass me halt so e paar typischi sydney-szene gseh het (zum bischpil e bahnhof oder die gruesch wo do d'liechtsignal mache). paede, ich glaub das waer e film wo dir wuerd gfalle :o)

jo und dr'raescht vom titel bezieht sich natuerlich uf mi. ich hoeckle do in dr'library und tipp wie wild. jetzt sins 4885 woerter, ohni referaenze (die darf me leider nit mitzelle ;o)) - das muess jetzt aecht laenge, ich ha kei luscht no mehr komischi, moeglichscht langi saetz inezflicke, nur dass ich denn 5000 woerter ha...
morn isch labour day und drum firtig und denne het d'biblio eh zue :o) waer wieder mol e gueti glaegeheit chli an strand z'goh (allerdings wird ich wohl nit die einzigi mit daere idee si :o))