und hüt ha ich glernt....

dass nit alles, wo erscht ufe zweite blick nach betrug usseht, au betrug isch ;o)

aber villicht besser mol die ganzi gschicht:
am nomi lütet mir e herr a, wo sich als typ vo mim kreditkartecenter usgit. är frogt mi, ob ich grad in irland e transaktion tätigt heig über e betrag vo knapp fünf franke. ich bi grad an dr'uni in dr'sunne gsässe und ha vo dr'elke vo gostralia infos über mi australiesemester becho und nit mol an irland dänkt. das ha ich denn au in kurzform däm herr gseit und drufabe het är gfunde, dass das verdächtig sig und sie mir e neui karte würde mache. är het mir denn sogar scho die neui kartenummere agäh.
und irgendwenn nach em streetdance isch mir das ganze seeeehr sältsam vorcho ("zweite blick"!) und ich ha dänkt, es wär wohl besser, nonemole döte nochezfroge. ha jetzt au grad gmacht und die nätti dame vom kreditkarte(sicherheits!)center het mir erklärt, dass sie so e friehwarnsystem hän wo alli ungwöhnliche transaktione mäldet und sie das denn würde nochverfolge.
also isch alles paletti und ich cha berueigt in mis bettli gheie :o)